Biblio-Piscina 2018

01/07/2018 to 31/08/2018 17:00 - 20:00

IMG_2401A Biblioteca Pública Municipal de Verín pon en funcionamento conxuntamente coa Eurocidade Chaves-Verín e por decimo ano consecutivo, o servizo da Bibliopiscina nas piscinas descubertas de A Granxa, co obxecto de extender os servizos bibliotecarios aos/ás usuarios/as desta instalación deportiva, potenciar a lectura e atraer á biblioteca a un público que non é usuario habitual, incluíndo a realización de actividades lúdico-culturais, fóra do curso escolar.

Devandito servizo oferta un fondo de máis de 300 volumes en tres idiomas: castelán, galego e portugués -conformado por libros, contos infantís, cómics, xornais e revistas actuais -de distinta temática como historia, científica, saúde ou moda, entre outras-, co obxecto de dar servizo a todos/as os/as lectores/as do territorio da Eurocidade Chaves-Verín-, así como diferentes xogos de mesa.

Esta iniciativa estará atendida por persoal da Biblioteca de Verín e vinte e dous mozos/as voluntarios/as, con idades comprendidas entre os 9 e 16 anos, que durante o ano realizan actividades de Fomento da Lectura na instalación municipal -destinadas a nenos/as de 3 a 9 anos, Proxecto polo que foi recoñecida a Biblioteca de Verín coma a mellor Biblioteca de España na Campaña de Animación á Lectura María Moliner..

 A Bibliopiscina funcionará ata o mes de setembro (de luns a domingo), en función da climatoloxía, e o seu horario será de 17 a 20 horas (durante os sete días da semana). No ano 2017 este servizo abriuse ao público unhas 200 horas e o número de préstamos realizados ascendeu a 2.500. Con todo, as instalacións da Biblioteca Pública Municipal tamén continuarán abertas ao público durante os meses de verán, de luns a venres, de 10 a 13.30 e de 16.30 a 19.30 horas.

  • Quick Contact

    Biblioteca Pública Municipal de Verín

    Avda. Portugal, 11 Verín , Galicia 32600 España
    Tel: 988413624 / biblioteca@verin.gal

© 2015_B.P.M. de Verín, Todolos dereitos reservados.